വൈലത്തൂരിൽ അടച്ചിട്ട വീട്ടിൽ മോഷണം; അമ്പതിനായിരം രൂപ കവർന്നു

കല്പകഞ്ചേരി : അടച്ചിട്ട വീട്ടിൽനിന്ന്‌ ആളില്ലാത്ത സമയത്ത് അമ്പതിനായിരം രൂപ കവർന്നു, താഴെ വൈലത്തൂർ പെട്രോൾപമ്പിന്‌ സമീപം വാവുത്താനകത്ത് സുലൈമാന്റെ വീട്ടിലാണ് ഞായറാഴ്ച വൈകീട്ട് ആറിനും 10-നും ഇടയിൽ മോഷണം നടന്നത്.

വീട്ടിൽ ആളില്ലാത്ത സമയത്താണ് വീടിന്റെ മുകളിലെ വാതിൽ തകർത്ത് മോഷ്ടാവ് അകത്തുകയറിയത്. സുലൈമാനും ഭാര്യയും മകളും സിയാറത്തിനു പോയതായിരുന്നു. വീട്ടിലുണ്ടായിരുന്ന രണ്ട് ആൺമക്കൾആറുമണിയോടെ പുറത്തുപോയി 9.30-ന് തിരിച്ചുവന്നപ്പോഴാണ് സംഭവമറിഞ്ഞത്. രണ്ട് മുറികളിലേയും അലമാരകൾ തുറന്ന് വസ്ത്രങ്ങൾ വലിച്ചുവാരിയിട്ട നിലയിലായിരുന്നു. അലമാരയിൽ ബാഗിൽസൂക്ഷിച്ച പണമാണ് മോഷണംപോയത്.