കാവുംപുറം–പറമ്പോളം റോഡ് നവീകരിച്ചു തുടങ്ങി

കാവുംപുറം: കാവുംപുറം–പറമ്പോളം റോഡിന്റെ നവീകരണം തുടങ്ങി. ഏറെക്കാലമായി തകർന്നുകിടന്നിരുന്ന നിരത്താണിത്. മൂടാൽ–കാവുംപുറം–കാടാമ്പുഴ പൊതുമരാമത്ത് പാതയുടെ ഒരു ഭാഗമാണ് ഈ ഗ്രാമീണപാത. വഴിനീളെ കുഴികൾ രൂപപ്പെട്ടതുമൂലം യാത്രാദുരിതം രൂക്ഷമായിരുന്നു.

വട്ടപ്പാറ വളവിൽ വാഹനാപകടങ്ങളുണ്ടായി ഗതാഗതം തടസ്സപ്പെടുമ്പോൾ ദേശീയപാതവഴി ഓടുന്ന മുഴുവൻ വാഹനങ്ങളും ഇതുവഴിയാണ് തിരിച്ചുവിടുന്നത്. പടിഞ്ഞാക്കര സബ് സ്റ്റേഷൻ വരെയുള്ള ഭാഗത്താണ് ടാറിങ് നടത്തുന്നത്.