വളാഞ്ചേരി കെഎസ്ഇബി ഓഫീസ് വിഭജിക്കണമെന്നാവശ്യം

ഇരിമ്പിളിയം: വളാഞ്ചേരി കെ‌എസ്‌ഇ‌ബി ഓഫീസ് വിഭജിക്കണമെന്നാവശ്യമുയരുന്നു. വെണ്ടല്ലൂർ ഭാഗത്തെ വോൾട്ടേജ് ക്ഷാമം പരിഹരിക്കുന്നതിനാവശ്യമായ നടപടികൾ ചെയ്തു തരണമെന്നാവശ്യപ്പെട്ട് അധികാരികൾക്ക് നൽകുന്ന നിവേദനങ്ങളുടെ ഭാഗമായി വെണ്ടല്ലൂർ കോൺഗ്രസ് കമ്മിറ്റിയുടെ നിവേദനം വെണ്ടല്ലൂർ ബൂത്ത് കോൺഗ്രസ് കമ്മിറ്റി പ്രസിഡൻറ് പി.സേതുമാധവൻ നായർ കോട്ടക്കൽ നിയോജകമണ്ഡലം എം‌എൽ‌എ പ്രൊഫ: ആബിദ് ഹുസൈൻ തങ്ങൾക്ക് കൈമാറി. വളാഞ്ചേരി കെ‌എസ്‌ഇ‌ബി ഓഫീസ് വിഭജിച്ച് വലിയകുന്ന് ആസ്ഥാനമായി സെക്ഷൻ ആരംഭിക്കണമെന്ന ആവശ്യം കൂടി അടങ്ങിയതാണ് നിവേദനം. ഈ ആവശ്യമുന്നയിച്ച് വീടുകൾ കേന്ദ്രീകരിച്ചുള്ള കാമ്പയിനടക്കമുള്ള പ്രവർത്തനങ്ങളും തുടരുന്നു.