പൊന്മുണ്ടം ‘ഒരുമ’ പാലിയേറ്റീവ് കെയർ സൊസൈറ്റി കെട്ടിടം നാടിന് സമർപ്പിച്ചു
കല്പകഞ്ചേരി : പൊന്മുണ്ടം വൈലത്തൂരിലെ ഒരുമ പെയിൻ ആൻഡ് പാലിയേറ്റീവ് കെയർ സൊസൈറ്റിക്ക് സ്വന്തം കെട്ടിടമായി. മന്ത്രി വി. അബ്ദുറഹ്‌മാൻ കെട്ടിടം നാടിന് സമർപ്പിച്ചു. വൈലത്തൂർ-കാവനാട് ചോല റോഡിലാണ് ആധുനിക സൗകര്യങ്ങളോടെയുള്ള കെട്ടിടം നിർമിച്ചത്.
സൗജന്യ മരുന്ന് വിതരണം, ഡയാലിസിസ് രോഗികൾക്കും നിത്യരോഗികൾക്കും ആവശ്യമായ ധനസഹായങ്ങൾ, മെഡിക്കൽ കിറ്റ് വിതരണം, ഭക്ഷണക്കിറ്റ് വിതരണം തുടങ്ങിയ പ്രവർത്തനങ്ങൾ ‘ഒരുമ’ ചെയ്തുവരുന്നുണ്ട്. ചടങ്ങിൽ ചികിത്സാരംഗത്ത് 50 വർഷം പൂർത്തിയാക്കിയ ഡോ. മുഹമ്മദലിക്ക് മന്ത്രി സ്നേഹോപഹാരം നൽകി. കെ.പി. മുഹമ്മദ്‌കുട്ടി അധ്യക്ഷത വഹിച്ചു. പഞ്ചായത്ത് പ്രസിഡന്റ് കുണ്ടിൽ ഹാജറ, ജില്ലാ പഞ്ചായത്ത് അംഗം ശ്രീദേവി പ്രാക്കുന്ന്, ടി. നിയാസ്, നിധിൻ ദാസ്, ആർ. കോമുക്കുട്ടി, സീനത്ത് തേറമ്പത്ത് തുടങ്ങിയവർ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
