ഇരിമ്പിളിയം ഗ്രാമ പഞ്ചായത്തിൻ്റെ നേതൃത്വത്തിൽ തരിശുഭൂമിയിലെ കൃഷി വിളവെടുത്തു

ഇരിമ്പിളിയം: ഇരിമ്പിളിയം ഗ്രാമ പഞ്ചായത്തിൽ 2019-20 വർഷത്തിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി 2, 3 വാർഡുകളിൽ ആരംഭിച്ച കൃഷിയുടെ ആദ്യഘട്ട വിളവെടുപ്പ് ഉദ്ഘാടനം ഇരിമ്പിളിയം ഗ്രാമ പഞ്ചായത്ത് പ്രസിഡൻ്റ് റജുല നൗഷാദ് നിർവഹിച്ചു. തരിശുഭൂമി കൃഷിയോഗ്യമാക്കൽ എന്ന പ്രവൃത്തിയൽ ഉൾപ്പെടുത്തിയാണ് അഞ്ച് ഏക്കർ ഭൂമിയിൽ കപ്പ, ചേന എന്നിവ കൃഷിയിറക്കിയത്. പഞ്ചായത്ത് വൈസ് പ്രസിഡൻ്റ് എൻ.മുഹമ്മദ്, സ്റ്റാൻ്റിംഗ് കമ്മിറ്റി മെമ്പർമാരായ വി.ടി അമീർ, എൻ.ഉമ്മുകുൽസു, വാർഡ് മെമ്പർ ഉമ്മുകുൽസു കെ.ടി എന്നിവർ പങ്കെടുത്തു.