ജില്ലാ പഞ്ചായത്ത് ഡിവിഷനിലേക്കുള്ള മുസ്‌ലിം ലീഗ് സ്ഥാനാർഥികളിൽ മാറ്റം; എടയൂരിൽ എ.പി സബാഹ്, ഏലംകുളത്ത് കെ.ടി അഷ്‌റഫ്
മലപ്പുറം : തദ്ദേശ തിരഞ്ഞെടുപ്പിൽ ജില്ലാ പഞ്ചായത്ത് ഡിവിഷനിലേക്കുള്ള മുസ്‌ലിംലീഗ് സ്ഥാനാർഥികളിൽ മാറ്റം. ഏലംകുളത്തും എടയൂരിലുമാണ് മാറ്റം. നേരത്തെ ഏലംകുളം ജില്ലാ പഞ്ചായത്ത് ഡിവിഷനിലേക്ക് നിർദേശിച്ചിരുന്ന പാതാരി അമീർ വ്യക്തിപരവും കുടുംബപരവുമായ ചില പ്രയാസങ്ങൾകാരണം മത്സരത്തിനില്ലെന്ന് നേതൃത്വത്തെ അറിയിക്കുകയായിരുന്നു.
തുടർന്ന് എടയൂർ ഡിവിഷനിൽ മത്സരിക്കുന്നതിന് നിർദേശിച്ച യൂത്ത്‌ലീഗ് ജില്ലാ ജനറൽസെക്രട്ടറി കെ.ടി. അഷ്‌റഫിനെ ഏലംകുളം ഡിവിഷനിലേക്ക് സ്ഥാനാർഥിയായി മാറ്റിനിശ്ചയിച്ചു. എടയൂർ ഡിവിഷനിൽ എ.പി. സബാഹിനെ സ്ഥാനാർഥിയായി തീരുമാനിച്ചതായും മുസ്‌ലിംലീഗ് ജില്ലാ പ്രസിഡന്റ് സാദിഖലി ശിഹാബ് തങ്ങൾ അറിയിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
