HomeNewsCrimeസുഹൃത്തിനെ കുത്തിക്കൊന്ന കേസിലെ പ്രതി റിമാൻഡിൽ

സുഹൃത്തിനെ കുത്തിക്കൊന്ന കേസിലെ പ്രതി റിമാൻഡിൽ

kuttippuram-murder

സുഹൃത്തിനെ കുത്തിക്കൊന്ന കേസിലെ പ്രതി റിമാൻഡിൽ

കുറ്റിപ്പുറം: ബസ് കാത്തിരിപ്പുകേന്ദ്രത്തിൽ വച്ച് സുഹൃത്തിനെ കുത്തിക്കൊലപ്പെടുത്തിയ കേസിൽ അറസ്റ്റിലായ കുറ്റിപ്പുറം കൈതൃക്കോവിൽ സ്വദേശി തൈക്കാട്ട് അബു(47)വിനെ കോടതി റിമാൻ‍ഡ് ചെയ്തു. കൈതൃക്കോവിൽ പുത്തൻകോട്ടിൽ ലത്തീഫിനെ (45) കഴിഞ്ഞദിവസം രാത്രി അബു കത്തി ഉപയോഗിച്ച് കുത്തിയെന്നാണ് കേസ്. കൈതൃക്കോവിൽ അങ്ങാടിയിലെ ബസ് കാത്തിരിപ്പുകേന്ദ്രത്തിൽ നാട്ടുകാർ നോക്കിനിൽക്കെയായിരുന്നു സംഭവം.
ഇരുവരും തമ്മിലുള്ള തർക്കത്തെ തുടർന്നുണ്ടായ വ്യക്തിവൈരാഗ്യമാണ് കൊലപാതകത്തിൽ കലാശിച്ചതെന്ന് പൊലീസ് പറഞ്ഞു. രാത്രി എട്ടോടെ ഇരുവരും തമ്മിൽ ബസ് കാത്തിരിപ്പുകേന്ദ്രത്തിൽ ഏറെനേരം വാക്കേറ്റമുണ്ടായി. തുടർന്ന് അബു വീട്ടിൽപോയി കത്തിയുമായി എത്തി ലത്തീഫിന്റെ പുറത്ത് കുത്തുകയായിരുന്നുവെന്ന് പൊലീസ് പറഞ്ഞു. ഇതിനുശേഷം അബു സംഭവ സ്ഥലത്തുനിന്ന് ഓടിപ്പോയെങ്കിലും പൊലീസ് ഇയാളെ പിന്നീട് വീട്ടിൽനിന്നു പിടികൂടുകയായിരുന്നു.
കുത്താനുപയോഗിച്ച കത്തിയും പൊലീസ് കണ്ടെടുത്തു. രക്തം വാർന്ന് കിടന്ന ലത്തീഫിനെ നാട്ടുകാരുടെ നേതൃത്വത്തിൽ ആശുപത്രയിൽ എത്തിച്ചെങ്കിലും രക്ഷിക്കാനായില്ല. ലത്തീഫും അബുവും അയൽവാസികളും സുഹൃത്തുക്കളുമാണ്. ലത്തീഫിന്റെ മൃതദേഹം കോഴിക്കോട് മെഡിക്കൽ കോളജിലെ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.

No Comments

Leave A Comment