ആതവനാട് കരിപ്പോളിൽ പത്താം ക്ലാസ് വിദ്യാർത്ഥിനിയെ മരിച്ച നിലയിൽ കണ്ടെത്തി

ആതവനാട്: പത്താം ക്ലാസ് വിദ്യാർത്ഥിനിയെ വീട്ടിലെ കിടപ്പു മുറിയിൽ മരിച്ച നിലയിൽ കണ്ടെത്തി. കഴിഞ്ഞ ദിവസം രാത്രിയിലാണ് സംഭവം. ആതവനാട് കരിപ്പോൾ താമസിക്കുന്ന ടിപി സുബൈറിൻ്റെ മകൾ ആയിഷ തസ്‌നി എന്ന പെൺകുട്ടിയെയാണ് മരിച്ച നിലയിൽ കണ്ടെത്തിയത്.

കരിപ്പോൾ ഹൈസ്‌കൂളിലെ പത്താം ക്ലാസ് വിദ്യാർത്ഥിയാണ് ആയിഷ തസ്‌നി. മരണകാരണം വ്യക്തമായിട്ടില്ലെങ്കിലും കഴിഞ്ഞ ദിവസം മൊബൈൽ ഫോൺ നൽകുന്നതുമായി ബന്ധപ്പെട്ട് രക്ഷിതാക്കളുമായി വഴക്കിട്ടിരുന്നതായി പറയപ്പെടുന്നു. രാത്രി തൻ്റെ കിടപ്പുമുറിയിൽ കയറി വാതിലടച്ച പെൺകുട്ടി വീട്ടുകാർ വിളിച്ചിട്ട് തുറക്കാത്തതിനെ തുടർന്ന് നോക്കിയപ്പോഴാണ് ജനൽ കമ്പിയിൽ തൂങ്ങി കിടക്കുന്നത് കണ്ടത്. തുടർന്ന് വളാഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വളാഞ്ചേരി പോലീസ് നിയമ നടപടികൾ പൂർത്തിയാക്കി മൃതദേഹം പോസ്റ്റുമാർട്ടത്തിനായി മഞ്ചേരി മെഡിക്കൽ കോളേജിലേക്ക് കൊണ്ടുപോയി.