തവനൂർ കേളപ്പൻ മെമ്മോറിയൽ ഗവ:യു.പി. സ്കൂളിലെ എസ്.എസ്.എസ്.എസ് ക്യാമ്പ് സമാപിച്ചു

തവനൂർ: കേളപ്പൻ മെമ്മോറിയൽ ഗവ:യു.പി. സ്കൂളിലെ അംഗങ്ങളുടെ 3 ദിവസത്തെ സഹവാസ ക്യാമ്പ് എ.എൽ . പി. എസ്. തൃക്കണാപുരത്ത് സമാപിച്ചു. കുട്ടികളിൽ അറിവിനോടൊപ്പം സേവന മനോഭാവവും , സാമൂഹ്യബോധവും ദേശസ്നേഹവും വളർത്തി വിദ്യാഭ്യാസത്തിന്റെ പൂർണ ലക്ഷ്യം നേടുക എന്ന ലക്ഷ്യത്തോടെ കേരള സർക്കാർ പൊതുവിദ്യാഭ്യാസ വകുപ്പ് പുതുതായി ആവിഷ്കരിച്ചുനടപ്പിലാക്കുന്ന പദ്ധതിയാണ് സ്കൂൾ സോഷ്യൽ സർവ്വീസ് സ്കീം(SSSS) . കേരളത്തിലെ 163 യു.പി. വിദ്യാലയങ്ങളിലാണ് ഒരു പൈലറ്റ് പ്രോജക്ടായി ഇത് ഈ വർഷം നടപ്പിലാക്കുന്നത് . എടപ്പാൾ ഉപജില്ലയിൽ ഈ പദ്ധതിക്കായി തിരഞ്ഞെടുക്കപ്പെട്ട വിദ്യാലയമാണ് തവനൂർ കേളപ്പൻ മെമ്മോറിയൽ ഗവ:യു.പി. സ്കൂൾ . മാർച്ച് 31 വരെ നടപ്പിലാക്കാൻ ഉദ്ദേശിച്ച് തയ്യാറാക്കിയ കർമപദ്ധതിയുടെ ഭാഗമായാണ് ക്യാമ്പ് സംഘടിപ്പിച്ചത്.