HomeNewsAccidentsകുന്തിപുഴയിൽ കാണാതായ യുവാവിനായി തിരച്ചിൽ തുടരുന്നു

കുന്തിപുഴയിൽ കാണാതായ യുവാവിനായി തിരച്ചിൽ തുടരുന്നു

rafeeque

കുന്തിപുഴയിൽ കാണാതായ യുവാവിനായി തിരച്ചിൽ തുടരുന്നു

കൊളത്തൂർ ∙ കഴിഞ്ഞ ദിവസം കാണാതായ യുവാവിനു വേണ്ടി കുന്തിപ്പുഴയിൽ തിരച്ചിൽ നടത്തി. വെങ്ങാട് കീഴ്‍മുറി വാഴയിൽ ആലിയുടെ മകൻ റഫീഖിനെ(27)യാണ് വ്യാഴാഴ്‍ച മുതൽ കാണാതായത്. ഇതു സംബന്ധിച്ച് ബന്ധുക്കൾ വ്യാഴാഴ്‍ച തന്നെ കൊളത്തൂർ പൊലീസിൽ പരാതി നൽകിയിരുന്നു. യുവാവിനു വേണ്ടി പൊലീസും നാട്ടുകാരും പല ഭാഗങ്ങളിലായി തിരച്ചിൽ നടത്തിവരികയായിരുന്നു. വെങ്ങാട്ടെ ഒരു സ്വകാര്യ സ്കൂളിൽ അധ്യാപകനായി പ്രവർത്തിച്ച് വരികയാണിയാൾ.
kuntipuzha
ഇന്നലെ ഉച്ചയോടെ യുവാവിന്റെ വസ്‍ത്രങ്ങളും കുടയും കണ്ണടയും കുന്തിപ്പുഴയിലെ വെങ്ങാട് കീഴ്‍മുറി കടവിനു സമീപം കണ്ടെത്തി. പെരിന്തൽമണ്ണയിൽനിന്ന് അഗ്നിശമന സേനാ സ്‍റ്റേഷൻ ഓഫിസർ എൽ. സുഗുണന്റെ നേതൃത്വത്തിലെത്തിയ ഫയർഫോഴ്‍സ് സംഘത്തോടൊപ്പം കൊളത്തൂർ എസ്ഐ പി.സദാനന്ദന്റെ നേതൃത്വത്തിൽ പൊലീസ് സംഘവും നാട്ടുകാരും ചേർന്ന് രാത്രി വരെ തിരച്ചിൽ നടത്തിയെങ്കിലും കണ്ടെത്താനായില്ല. ഇന്നും തിരച്ചിൽ തുടരും.

No Comments

Leave A Comment