അവശ്യ വസ്തുക്കളുടെ വിലവർദ്ധനവിനെതിരെ എസ്.ഡി.പി.ഐ

കുറ്റിപ്പുറം:ഭൂനികുതി, കെട്ടിട നികുതി,വൈദ്യുതി ചാർജ്, വെള്ളക്കരം, വാഹന നികുതി, കുടിവെള്ള വില, നിത്യോപയോക വസ്തുക്കളുടെ വില വർധനവ്, തുടങ്ങിയ സർക്കാറിൻ്റെ ജന വിരുദ്ധ നയത്തിനെതിരെ സംസ്ഥാനത്തുടനീളം എസ്.ഡി.പി.ഐ നടത്തുന്ന പ്രതിഷേധത്തിൻ്റെ ഭാഗമായി എസ്.ഡി.പി.ഐ കുറ്റിപ്പുറം പഞ്ചായത്ത് കമ്മിറ്റി കുറ്റിപ്പുറം ഗ്രാമ പഞ്ചായത്തിന് മുന്നിൽ പ്രതിഷേധ ധർണ്ണ സംഘടിപ്പിച്ചു.

ധർണ്ണയുടെ ആവിശ്യങ്ങൾ ഉന്നയിച്ച് കൊണ്ട് കുറ്റിപ്പുറം ഗ്രാമ പഞ്ചായത്ത് പ്രസിഡൻ്റിന് എസ്.ഡി.പി.ഐ പഞ്ചായത്ത് പ്രസിഡൻ്റ് കെ ടി റഷീദ് നിവേദനം നൽകി. ധർണ്ണ എസ്.ഡി.പി.ഐ കോട്ടക്കൽ മണ്ഡലം സെക്രട്ടറി കെ.പി മുസ്തഫ ഉദ്ഘാടനം ചെയ്തു. പ്രതിഷേധ ധർണ്ണക്ക് ഫൈസൽ മാരാത്ത്, നാസർ ചെങ്ങണക്കാട്ടിൽ, യാഹുട്ടി ചെല്ലൂർ, നൗഷാദ് നടുവട്ടം, ഇസ്മായീൽ പള്ളിപ്പടി, അഫ്സൽ കൊളത്തോൾ, ഷൗക്കത്ത് പൈങ്കണ്ണൂർ, ഷാജഹാൻ കൊളത്തോൾ തുടങ്ങിയവർ നേതൃത്വം നൽകി.