ലോക്ക്ഡൗൺ; കുറ്റിപ്പുറം-തിരൂർ റോഡ് പണി പാതിവഴിയിൽ

കുറ്റിപ്പുറം: റോഡ് പണി അതിവേഗം മുന്നോട്ടു പോകുന്നതിനിടയിൽ ആണ് ലോക്ക്ഡൗൺ വീണത്. ഇനിയിതാ മഴയും വരുന്നു. കുറ്റിപ്പുറം-തിരൂർ റോഡ് കിളച്ച് മറിച്ചിട്ട അവസ്ഥയിൽ കിടക്കുകയാണ്. ജില്ലയിലെ തന്നെ ഏറ്റവും തിരക്കേറിയ റോഡുകളിൽ ഒന്നാണ് ഈ റോഡ്. ഭാരതപ്പുഴയുടെ തീരത്തുള്ള റോഡ് കൂടി ആയതിനാൽ എത്ര നന്നാക്കിയാലും ഒരു മഴക്കാലം കഴിയുമ്പോൾ റോഡ് പിന്നെയും കുളമാകാറാണ് പതിവ്. എന്നാൽ ഇത്തവണ പഴയതെല്ലാം ജെ സി ബി ഉപയോഗിച്ച് കിളച്ച് മാറ്റിയാണ് റോഡ് നവീകരിക്കുന്നത് . പെടുന്നനെ എത്തിയ മഹാമാരിയാണ് കാര്യങ്ങൾ തകിടം മറിച്ചത്. ഇനി മഴക്കാലം കഴിയുന്നതിനു മുമ്പ് ഈ ജോലികൾ തീർക്കാൻ കഴിയൂമോ എന്ന ആശങ്കയിലാണ് നാട്ടുകാർ.