വളാഞ്ചേരിയിൽ പൊതുശ്മശാനം നിർമ്മിക്കണം: കൊട്ടാരം ജനകീയ സമിതി
വളാഞ്ചേരി: വളാഞ്ചേരി നഗരസഭയിൽ പൊതു ശ്മശാനം നിർമ്മിക്കണമെന്ന് കൊട്ടാരം ജനകീയ സമിതി ആവശ്യപ്പെട്ടു.
സ്വന്തമായി നാമനാത്രഭൂമിയുള്ള തിങ്ങിത്താമസിക്കുന്നവരാണ് വളാഞ്ചേരിയിൽ അധികം പേരും. വാടകയ്ക്ക് താമസിക്കുന്നവരും ഏറെയുണ്ട്. പൊതുശ്മശാനം നിർമ്മിക്കാൻ സംസ്ഥാന സർക്കാർ പദ്ധതി തയ്യാറാക്കുന്ന സാഹചര്യത്തിൽ ആധുനിക സൌകര്യങ്ങളുള്ള പൊതുശ്മശാനം നിർമ്മിക്കാൻ മുൻ‌കൈയെടുക്കണമെന്ന് ജനകീയ സമിതി ആവശ്യപ്പെട്ടു.
പ്രസിഡന്റ് രാജൻ പരപ്പിൽ അധ്യക്ഷത വഹിച്ചു. പി രതീഷ്, ചാണയിൽ മലീഷ് എന്നിവർ പ്രസംഗിച്ചു. ഈ ആവശ്യം ഉന്നയിച്ച് ഭരണസമിതിക്ക് നിവേദനം നൽകാനും യോഗം തീരുമാനിച്ചു.
Content highlights: Residents of kottaram demands public crematory in valanchery municipality
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
