സി.കെ. പാറ കുടുംബാരോഗ്യ കേന്ദ്രത്തിലേക്ക് പ്രതിഷേധ മാർച്ച് നടത്തി യു.ഡി.എഫ്

എടയൂർ: എടയൂർ ഗ്രാമപ്പഞ്ചായത്ത് ഭരണസമിതി വൃക്കരോഗമുള്ളവർക്ക് അനുവദിച്ച സഹായധനം തടഞ്ഞുവെച്ച മെഡിക്കൽ ഓഫീസറുടെ നടപടിക്കെതിരേ യു.ഡി.എഫ്. പഞ്ചായത്ത് കമ്മിറ്റി സി.കെ. പാറ കുടുംബാരോഗ്യകേന്ദ്രത്തിലേക്ക് പ്രതിഷേധമാർച്ചും ധർണയും നടത്തി. കോട്ടയ്ക്കൽ നിയോജകമണ്ഡലം യു.ഡി.എഫ് കൺവീനർ സലാം വളാഞ്ചേരി ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡന്റ് വിനു പുല്ലാനൂർ മുഖ്യപ്രഭാഷണം നടത്തി. കെ.കെ മോഹനകൃഷ്ണൻ അധ്യക്ഷതവഹിച്ചു. ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം, ദളിത് കോൺഗ്രസ് ജില്ലാപ്രസിഡന്റ് കെ.പി വേലായുധൻ, എ.കെ. മുസ്തഫ, ഷാഫി വള്ളൂരാൻ, എം.ടി. അസീസ്, റഷീദ് കിഴിശ്ശേരി, മൊയ്തു എടയൂർ തുടങ്ങിയവർ പ്രസംഗിച്ചു.