റിയാദിലെ ദുരന്തം; ഞെട്ടലോടെ പൈങ്കണ്ണൂർ ഹിൽടോപ് ഗ്രാമം

കുറ്റിപ്പുറം : ഒരു നല്ല ജോലി തേടിയാണ് തറക്കൽ അബ്ദുൾഹക്കീം ഒരാഴ്‌ച മുൻപ്‌ റിയാദിലേക്കു പോയത്. അത് മരണത്തിലേക്കുള്ള യാത്രയായി. ഹക്കീമിന്റെ മരണവാർത്ത പൈങ്കണ്ണൂർ ഹിൽടോപ് ഗ്രാമം ഞെട്ടലോടെയാണു കേട്ടത്.

കഴിഞ്ഞ വെള്ളിയാഴ്‌ചയാണ് റിയാദിലെ പെട്രോൾപമ്പിൽ ജോലിലഭിച്ച് ഹക്കീം യാത്രയായത്. ഡൽഹിയിൽനിന്ന് മറ്റു ഉദ്യോഗാർഥികൾക്കൊപ്പം ശനിയാഴ്‌ചയാണ് റിയാദിലേക്കു പോയത്. നാട്ടിൽ പെട്രോൾപമ്പുകളിലെ യന്ത്രങ്ങൾ ശരിയാക്കുന്ന ജോലിയായിരുന്നു അബ്ദുൾഹക്കീമിന്. ഇത്തരത്തിലുള്ള ജോലിതന്നെയാണ് റിയാദിലും ലഭിച്ചത്. അബ്ദുൾഹക്കീമിന്റെ മാതാവ് ആമിനക്കുട്ടി മരിച്ചിട്ട് ആറുമാസമാകുന്നതേയുള്ളൂ.