നന്മ ഫൗണ്ടേഷന്റെ നേതൃത്വത്തിൽ വളാഞ്ചേരിയിൽ ഓണക്കിറ്റുകൾ വിതരണം ചെയ്തു

വളാഞ്ചേരി: ഹെഡ്ക്വാർട്ടേഴ്‌സ് ഐ.ജി. പി. വിജയൻ നേതൃത്വം നൽകുന്ന നന്മ ഫൗണ്ടേഷൻ വളാഞ്ചേരി മേഖലയിലെ പാലിയേറ്റീവിലെ കിടപ്പുരോഗികൾ, മാനസിക വെല്ലുവിളിനേരിടുന്നവർ, ഡയാലിസിസ് രോഗികൾ എന്നിവർക്ക് ഓണക്കിറ്റുകൾ വിതരണം ചെയ്തു. എം.ഇ.എസ്. കെ.വി.എം. കോളേജ് പരിസരത്തു വച്ച് നടന്ന ചടങ്ങിൽ ‘നന്മ’ ജില്ലാ ചെയർമാൻ ഡോ. എൻ. മുജീബ് റഹ്‌മാനിൽനിന്ന് പാലിയേറ്റീവ് ജനറൽസെക്രട്ടറി സി.എച്ച്. അബൂയൂസഫ് ഗുരുക്കളും ശിഹാബ് തങ്ങൾ ഡയാലിസിസ് സെന്റർ ചെയർമാൻ അഷറഫ് അമ്പലത്തിങ്ങലും ചേർന്ന് ഏറ്റുവാങ്ങി. വി.പി.എം. സാലിഹ്, ബഷീർ ബാബു, സലാം വളാഞ്ചേരി, ഹബീബ് പറമ്പയിൽ, സൈതാലിക്കുട്ടി ഹാജി, പാലാറ കുഞ്ഞാപ്പു, ഹാറൂൺ കരുവാട്ടിൽ, ഷാജി സൽവാസ്, സുരേഷ് മലയത്ത് എന്നിവർ പങ്കെടുത്തു.