പൊന്മളയിലും മാറാക്കരയിലും പര്യടനം നടത്തി എൻ.ഡി.എ സ്ഥാനാർത്ഥി പി.പി ഗണേശൻ

മാറാക്കര: ദേശീയ ജനാധിപത്യസഖ്യം (എൻ.ഡി.എ.)കോട്ടയ്ക്കൽ മണ്ഡലം സ്ഥാനാർഥി പി.പി. ഗണേശൻ പൊന്മള, മാറാക്കര പഞ്ചായത്തുകളിൽ പര്യടനം നടത്തി. കാവുംപുറം, മാരാംകുന്ന് പ്രദേശങ്ങളിലെ വീടുകളിലും വളാഞ്ചേരി പ്രാഥമികാരോഗ്യകേന്ദ്രത്തിലെ ജീവനക്കാരേയും കണ്ട് വോട്ടഭ്യർഥിച്ചു.

തുടർന്ന് മാറാക്കര, പൊന്മള പഞ്ചായത്തുകളിലെ വിവിധ പ്രദേശങ്ങൾ സന്ദർശിച്ചു. ബി.ജെ.പി. ലക്ഷദ്വീപ് പ്രസിഡന്റ് വലിയകോയ, സംസ്ഥാന കൗൺസിൽ അംഗം മുത്തുകോയ, ശ്രീശൻ കുറ്റിപ്പുറം, ശ്യംലാൽ പൈങ്കണ്ണൂർ, സുരേഷ് പാറത്തൊടി, മോഹനൻ പൈങ്കണ്ണൂർ തുടങ്ങിയവർ സ്ഥാനാർഥിയെ അനുഗമിച്ചു.