ഇരിമ്പിളിയത്ത് മഴക്കാല രോഗങ്ങൾക്കെതിരേ ജാഗ്രതാകാമ്പയിയിനുമായി എൻ.എ.എം.കെ. ഫൗണ്ടേഷൻ

ഇരിമ്പിളിയം: മഴക്കാല രോഗങ്ങൾക്കെതിരേ ജാഗ്രതാകാമ്പയിനുമായി എൻ.എ.എം.കെ. ഫൗണ്ടേഷൻ. ഇരിമ്പിളിയം പ്രാഥമികാരോഗ്യകേന്ദ്രവും ഫൗണ്ടേഷനും ചേർന്നാണ് മഴക്കാലരോഗങ്ങൾക്കും കോവിഡ് 19-നും എതിരേയുള്ള ജാഗ്രതാനിർദേശങ്ങൾ പൊതുജനങ്ങളിലെത്തിക്കുന്നത്.

കാമ്പയിന്റെ ഫ്ലാഗ്ഓഫും ഉദ്ഘാടനവും ഇരിമ്പിളിയം പി.എച്ച്.സി. മെഡിക്കൽ ഓഫീസർ ഡോ. അഹമ്മദ് നിർവഹിച്ചു. ജൂനിയർ ഹെൽത്ത് ഇൻസ്‌പെക്ടർമാരായ രാകേഷ്, സനിത, ഫൗണ്ടേഷൻ കോ-ഓർഡിനേറ്റർ അനിൽ എന്നിവർ പങ്കെടുത്തു. ജാഗ്രതാകാമ്പയിൻ കോട്ടയ്ക്കൽ മണ്ഡലത്തിലെ മുഴുവൻ ഗ്രാമപ്പഞ്ചായത്തുകളിലും നഗരസഭകളിലും സംഘടിപ്പിക്കുമെന്ന് ഫൗണ്ടേഷൻ ചെയർമാൻ എൻ.എ. മുഹമ്മദ്കുട്ടി പറഞ്ഞു.