മുറ്റത്തൊരു വാഴകൃഷി പദ്ധതിക്ക് മലപ്പുറം ജില്ലയില്‍ തുടക്കമായി
മലപ്പുറം: സൈന്‍ ഇന്ത്യ ഓര്‍ഗനൈസേഷനും തളിരില ഗ്രൂപ്പും സംയുക്തമായി സംഘടിപ്പിക്കുന്ന മുറ്റത്തൊരു വാഴകൃഷി പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിച്ചു. വൈസ് പ്രസിഡന്റ് സക്കീന പുല്‍പ്പാടന്‍ അധ്യക്ഷത വഹിച്ചു. ജില്ലയിലെ എല്ലാ പഞ്ചായത്തിലെയും ഒരു വാര്‍ഡിലാണ് ആദ്യഘട്ടത്തില്‍ പദ്ധതി നടപ്പിലാക്കുന്നത്.
ജില്ലാ പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാന്‍ ഉമ്മര്‍ അറക്കല്‍, ജില്ലാ പഞ്ചായത്ത് സെക്രട്ടറി അബ്ദുല്‍ റഷീദ്, ഡോ. പരീത്, സൈന്‍ ഇന്‍ ഇന്ത്യ ഓര്‍ഗനൈസേഷന്‍ പ്രവര്‍ത്തകരായ ടി. ശുഹൈബ്, പി.എം അബ്ദുല്‍ ഷുക്കൂര്‍, ഫാത്തിമ ഷരീഫ്, കെ അബ്ദുല്‍ റഷീദ്, എ.കെ ഷമീറ സംബന്ധിച്ചു. ചടങ്ങില്‍ ജില്ലയിലെ പരിസ്ഥിതി പ്രവര്‍ത്തകരെയും സാമൂഹിക പ്രവര്‍ത്തകരെയും അനുമോദിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
