വയോജന മന്ദിരത്തിലെ അന്തേവാസികൾക്ക് ഉടുക്കാൻ പൊലീസ് അസോസിയേഷൻ വക ഓണക്കോടി
കുറ്റിപ്പുറം ∙ സാമൂഹിക നീതിവകുപ്പിന് കീഴിലുള്ള തവനൂർ വയോജന മന്ദിരത്തിലെ അന്തേവാസികൾക്ക് ഉടുക്കാൻ പൊലീസ് അസോസിയേഷൻ വക ഓണക്കോടി. കേരള പൊലീസ് അസോസിയേഷൻ എംഎസ്പി യൂണിറ്റിന്റെ നേതൃത്വത്തിലാണ് വയോജന മന്ദിരത്തിലെ അന്തേവാസികൾക്ക് മുഴുവൻ ഓണക്കോടികൾ വിതരണം ചെയ്തത്.
തിരുവോണത്തിനും ബലിപെരുന്നാളിനും ഉടുക്കാനുള്ള പുതുവസ്ത്രങ്ങളുമായി എത്തിയ പൊലീസുകാരെ കണ്ടപ്പോൾ വയോജന മന്ദിരത്തിലെ അന്തേവാസികൾക്കും സന്തോഷമായി.
സെറ്റ്മുണ്ട്, ദോത്തി, പുള്ളിത്തുണി തുടങ്ങിയ വസ്ത്രങ്ങളാണ് സമ്മാനിച്ചത്. ഓണക്കോടികൾ എംഎസ്പി അസിസ്‌റ്റന്റ് കമൻഡാന്റ് സി.വി.ശശി വിതരണം ചെയ്തു. സന്തോഷ്ബാബു, എൽദോ യാക്കോബ്, സി.പി.റിനീഷ്, വി.വിപൻ, പി.മനോജ്, വയോജന മന്ദിരം സൂപ്രണ്ട് എം.സന്തോഷ് ബാബു എന്നിവർ പ്രസംഗിച്ചു.
Summary: The police association members from MSP visited the old age hoem in Tavanur and distributed clothes to the inmates on account of Onam.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
