വ്യത്യസ്തമായ ഓണാഘോഷം കൊണ്ട് നാടിനു മാതൃകയായി മാതൃക ക്ലബ്

പൈങ്കണ്ണൂർ:പാണ്ടികശാല അബുദാബി പടി യിൽ പ്രവർത്തിക്കുന്ന മാതൃക കലാകായിക സാംസ്കാരിക വേദിയാണ് വ്യത്യസ്തമായ രീതിയിൽ ഓണാഘോഷം നടത്തിയത്. പാണ്ടികശാലയിലെയും പൈങ്കണ്ണൂരിലേയും സ്കൂളിലും മദ്രസയിലും പോകുന്ന വിദ്യാർത്ഥികൾക്കും നാട്ടുകാർക്കും ഭീഷണിയായി റോഡിലേക്ക് ചാഞ്ഞു നിന്നിരുന്ന പൊന്തക്കാടുകൾ വെട്ടി നീക്കി കാൽനടയാത്ര സുഖമമാക്കുന്ന രീതിയിൽ സേവാ പ്രവർത്തനം നടത്തിയായിരുന്നു മാതൃക ക്ലബ് ഓണം ആഘോഷിച്ചത്.

പ്രവർത്തനങ്ങൾക്ക് ക്ലബ് പ്രസിഡണ്ട് മുഹമ്മദ് മുണ്ടകാട്ടിൽ, റഹീം എം, ബാസിത് സിപി, അൽത്താഫ് വക്കരത്ത്, ബർജീസ്, ഹക്കീം വിപി, അൻവർ, സുഹൈൽ കളപ്പാട്ടിൽ, പ്രജീഷ്, റൗഫ് തുടങ്ങിയവർ നേതൃത്വം നൽകി. തുടർന്ന് പായസ വിതരണവും പൂക്കള മത്സരവും നടന്നു.