ലഹരിമുക്ത മാറാക്കര കാമ്പയിന്‍ തുടങ്ങി
വളാഞ്ചേരി: മാറാക്കര ഗ്രാമപ്പഞ്ചായത്തിനെ ലഹരിമുക്തമാക്കുന്നതിന് ലഹരിനിര്‍മാര്‍ജ്ജനസമിതിയും പഞ്ചായത്തും ചേര്‍ന്ന് നടപ്പാക്കുന്ന കാമ്പയിന്‍ തുടങ്ങി. ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി ഉദ്ഘാടനംചെയ്തു. എ.പി. മൊയ്തീന്‍കുട്ടി അധ്യക്ഷതവഹിച്ചു. സമിതി സംസ്ഥാന ജനറല്‍സെക്രട്ടറി ഒ.കെ. കുഞ്ഞിക്കോമു പ്രതിജ്ഞ ചൊല്ലിക്കൊടുത്തു. വി. മധുസൂദനന്‍, വി.ടി. അബ്ദുള്ളക്കോയ തങ്ങള്‍, വഹീദാബാനു, സുഹ്‌റ കായല്‍മഠത്തില്‍, പി. മുഹമ്മദാലി, സി.എച്ച്. ജലീല്‍, കെ.ടി. ഷഹനാസ്, പി.പി. ബഷീര്‍ തുടങ്ങിയവര്‍ പ്രസംഗിച്ചു. കാമ്പയിനോടനുബന്ധിച്ച് നടന്ന വിളംബരജാഥ ഗ്രാമപ്പഞ്ചായത്ത് ഉപാധ്യക്ഷ സക്കീന പുല്‍പ്പാടന്‍ ഫ്‌ളാഗ്ഓഫ് ചെയ്തു. മൂര്‍ക്കത്ത് ഹംസ അധ്യക്ഷത വഹിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
