ആതവനാട് യുവാവിനെ കിണറ്റിൽ മരിച്ച നിലയിൽ കണ്ടെത്തി
ആതവനാട്: യുവാവിനെ കിണറ്റിൽ മരിച്ച നിലയിൽ കണ്ടെത്തി. ആതവനാട് കാവുങ്ങൽ വാണിയംകാട്ടിൽ സൈതലവി (സിപിഐഎം കാവുങ്ങൽ ബ്രാഞ്ച് മെമ്പർ ) യുടെ മകൻ മുഹമ്മദ്‌ റാഫി (38) യെയാണ് കാവുങ്ങൽ ചാമത്തി ഭാഗത്തെ കിണറ്റിൽ മരിച്ച നിലയിൽ വെള്ളിയാഴ്ച രാവിലെ പതിനൊന്നു മണിയോടെ കണ്ടെത്തിയത്. മൃതദേഹത്തിന് ദിവസങ്ങൾ പഴക്കമുണ്ട്. തിങ്കളാഴ്ച മുതൽ ഇയാൾ സ്ഥലത്തില്ലായിരുന്നു. വളാഞ്ചേരി പോലീസ് ഇൻക്വസ്‌റ്റ് നടത്തിയ മൃതദേഹം മഞ്ചേരി മെഡിക്കൽ കോളേജിലെ പോസ്റ്റ്‌ മോർട്ടത്തിന് ശേഷം മണ്ണെക്കര ജുമാ മസ്ജിദ് കബർസ്ഥാനിൽ കബറടക്കി. മുഹമ്മദ്‌ റാഫി ബസ് തൊഴിലാളി യൂണിയൻ സി ഐ ടി യു പുത്തനത്താണി യൂണിറ്റ് പ്രസിഡന്റ്‌ ആണ്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
