എം.ഡി.എം.എ മയക്കുമരുന്നുമായി വളാഞ്ചേരിയിൽ യുവാവ് പിടിയിൽ
വളാഞ്ചേരി: എം.ഡി.എം.എ (മെത്തലിൻ ഡയോക്സി മെത്തഫെറ്റാമിൻ)യുമായി യുവാവ് വളാഞ്ചേരി പൊലീസിൻ്റെ പിടിയിൽ. പാലക്കാട് ജില്ലയിലെ തിരുവേഗപ്പുറ സ്വദേശി മുഹമ്മദ് അബ്ദുൽ മജീദ് (24)നെയാണ് വളാഞ്ചേരി പൊലീസ് പിടികൂടിയത്. വളാഞ്ചേരി മേഖലയിൽ വീര്യം കൂടിയ ലഹരി വസ്തുക്കൾ വ്യാപകമായി വിറ്റഴിക്കുന്നുണ്ടെന്ന രഹസ്യവിവരത്തിൻ്റെ അടിസ്ഥാനത്തിൽ പൊലീസ് ഇൻസ്പെക്ടർ കെ.ജെ.ജിനേഷിൻ്റെ നേതൃത്വത്തിൽ പൊലീസ് പരിശോധന കർശനമാക്കിയിരുന്നു. ഇതിനിടയിലാണ് ബസ്റ്റാൻ്റിൻ്റെ പിറക് വശത്ത് നിന്നും എം.ഡി.എം.എ.യുമായി പ്രതിപിടിയിലായത്. എസ്.ഐ.മുഹമ്മദ് റഫീഖ്, സിവിൽ പോലീസ് ഓഫീസർമാരായ പ്രദീപ്, ഗിരീഷ്, മോഹനൻ എന്നിവർ അടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതിയിൽ ഹാജറാക്കി റിമാൻ്റ് ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
