കുറ്റിപ്പുറം തൃക്കണാപുരത്ത് എം.ഡി.എം.എയുമായി യുവാവ് പിടിയിൽ
കുറ്റിപ്പുറം : രണ്ട് ഗ്രാം എം.ഡി.എം.എ.യുമായി യുവാവ് അറസ്റ്റിൽ. വട്ടംകുളം തൈക്കാട് തേക്കുംകാട്ടിൽ മുബഷിറിനെയാണ് (23) കുറ്റിപ്പുറം സി.ഐ. ശശീന്ദ്രൻ മേലേയിൽ അറസ്റ്റുചെയ്തത്. തൃക്കണാപുരത്തെ സ്വകാര്യ കോളേജിന്റെ ഹോസ്റ്റലിനു സമീപത്തുനിന്നുമാണ് ഇയാൾ പിടിയിലാകുന്നത്. എം.ഡി.എം.എ. വാങ്ങിക്കാനെത്തിയതെന്ന് സംശയിക്കുന്ന ഒരു യുവാവിനെ പോലീസ് കസ്റ്റഡിയിലെടുത്തിട്ടുണ്ട്. ബെംഗളൂരുവിൽ നിന്നുമാണ് ഇയാൾ എം.ഡി.എം.എ. വില്പനയ്ക്കായി എത്തിക്കുന്നതെന്നാണ് പോലീസിന് ലഭിച്ച വിവരം. സി.പി.ഒ.മാരായ ഷെറിൻ ടോണി, ജോസ് പ്രകാശ് എന്നിവരും സി.ഐ.യുടെ സംഘത്തിൽ ഉണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
