കുറ്റിപ്പുറത്ത് വിദ്യാർഥിയെ പീഡിപ്പിക്കാൻ ശ്രമിച്ചയാൾ അറസ്റ്റിൽ

കുറ്റിപ്പുറം: ഹൈസ്കൂൾ വിദ്യാർഥിയെ പീഡിപ്പിക്കാൻ ശ്രമിച്ചയാളെ പോക്സോ നിയമപ്രകാരം അറസ്റ്റുചെയ്തു. ഇന്ത്യനൂർ കുണ്ടിൽത്തൊടി വീട്ടിൽ സുരേഷി(50)നെയാണ് കുറ്റിപ്പുറം എസ്.ഐ. അരവിന്ദനും എ.എസ്.ഐ. നെൽവിനും ചേർന്ന് പിടികൂടിയത്.

കുറ്റിപ്പുറത്തെ സ്കൂളിൽ പഠിക്കുന്ന ആൺകുട്ടിയെയാണ് പീഡിപ്പിക്കാൻ ശ്രമിച്ചത്. രാവിലെ ട്യൂഷൻകഴിഞ്ഞ് മടങ്ങുമ്പോൾ കുറ്റിപ്പുറം വൺവേ റോഡിൽവെച്ചാണ് പരാതിക്കാസ്പദമായ സംഭവമുണ്ടായത്. സ്കൂളിലെ കൗൺസലിങ്ങിലാണ് വിദ്യാർഥി സംഭവം പുറത്തുപറഞ്ഞത്. പിന്നീട് പോലീസിൽ പരാതി നൽകുകയായിരുന്നു. കോടതി പ്രതിയെ റിമാൻഡ് ചെയ്തു.