ജലീലിനെതിരേ നടപടി സ്വീകരിക്കണം -വി.വി. പ്രകാശ്

മലപ്പുറം: പോക്‌സോ കേസിലെ പ്രതിയായ നഗരസഭാ കൗൺസിലറുമായി മന്ത്രി കെ.ടി. ജലീലിനുള്ള ബന്ധത്തിൽ കർശന നടപടി സ്വീകരിക്കാൻ മുഖ്യമന്ത്രി തയ്യാറാകണമെന്ന് ഡി.സി.സി. പ്രസിഡന്റ് വി.വി. പ്രകാശ് ആവശ്യപ്പെട്ടു.

പീഡനവിവരം മന്ത്രി ജലീലിനെ അറിയിച്ചുവെന്ന ഇരയുടെ ബന്ധുക്കളുടെ മൊഴി ഗുരുതരമായ നിയമപ്രശ്നങ്ങൾക്ക് വഴിവെക്കും. സാങ്കേതികകാര്യങ്ങൾ പറഞ്ഞ് ആരോപണങ്ങളിൽനിന്ന് ഒളിച്ചോടാനാണ് മന്ത്രി ശ്രമിക്കുന്നത്. ഇക്കാര്യത്തിൽ സി.പി.എം. നയം വ്യക്തമാക്കണമെന്നും അദ്ദേഹം പത്രക്കുറിപ്പിൽ ആവശ്യപ്പെട്ടു.