ലെൻസ്‌ഫെഡ് വളാഞ്ചേരി ഏരിയാ സമ്മേളനം നടന്നു
വളാഞ്ചേരി : ലൈസൻസ്ഡ് എൻജിനിയേഴ്‌സ് ആൻഡ്‌ സൂപ്പർവൈസേഴ്‌സ് ഫെഡറേഷൻ (ലെൻസ്‌ഫെഡ്) വളാഞ്ചരി ഏരിയാസമ്മേളനം വോൾഗാ സമ്മേളനഹാളിൽ നടന്നു. നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനംചെയ്തു. ഏരിയാപ്രസിഡന്റ് പി.എം. ശ്രീജിത്ത് അധ്യക്ഷതവഹിച്ചു. ലെൻസ്‌ഫെഡ് ജില്ലാസെക്രട്ടറി വി.കെ.എ. റസാഖ് മുഖ്യപ്രഭാഷണം നടത്തി.
പി.പി. സോമസുന്ദരൻ പ്രവർത്തനറിപ്പോർട്ടും വി. അബ്ദുൽനാസർ വരവുചെലവ് കണക്കും അവതരിപ്പിച്ചു. വളാഞ്ചേരി നടക്കാവിൽ ആശുപത്രി എം.ഡി. ഡോ. എൻ. മുഹമ്മദാലി ജീവിതശൈലീ രോഗങ്ങളെക്കുറിച്ച് ക്ലാസെടുത്തു. വൈദ്യപരിശോധനയുമുണ്ടായി. സംസ്ഥാനസമിതി അംഗം പി. ഹൈദർ, കെ.സി. സിനിൽ, എ. ജാഫറലി, വി.പി. ഹമീദ്, എസ്. ശിവപ്രകാശ്, കെ. കുഞ്ഞാലിക്കുട്ടി, പി.പി. സോമസുന്ദരൻ തുടങ്ങിയവർ പ്രസംഗിച്ചു.
ഭാരവാഹികൾ: വി. അബ്ദുൽനാസർ (പ്രസി.), കെ. ഷംസുദ്ദീൻ, പി. അനിൽ (വൈസ്‌ പ്രസി.), പി.പി. സോമസുന്ദരൻ (സെക്ര.), എൻ. ഫൈസൽ, ടി.ടി. സൈനുൽ ആബിദ് (ജോ. സെക്ര.), പി. ഫാസിൽ (ട്രഷ.), പി. ഹൈദർ, പി.എം. ശ്രീജിത്ത് (ജില്ലാസമിതി അംഗങ്ങൾ).
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
