മന്ത്രി കെ.ടി ജലീലിൻ്റെ വീട്ടിലേയ്ക്ക് മാർച്ച് നടത്തി കെ.എസ്.യു ജില്ലാ കമ്മറ്റി

വളാഞ്ചേരി:കേസെടുത്താലും രാജി വേണ്ട എന്ന സി.പിഎം സംസ്ഥാന സെക്രട്ടറിയേറ്റിൻ്റെ തീരുമാനം പിണറായി വിജയനോടുള്ള കൊടിയേരിയുടെ അടിമത്വമാണെന്ന് യൂത്ത് കോൺഗ്രസ്സ് സംസ്ഥാന വൈസ് പ്രസിഡണ്ട് എൻ എസ് നുസൂർ. കെ.എസ്.യു മലപ്പുറം ജില്ലാ കമ്മിറ്റി മന്ത്രി കെ ടി ജലീലിൻ്റെ വീട്ടിലേയ്ക്ക് നടത്തിയ മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. ജില്ലാ പ്രസിഡണ്ട് ഹാരിസ് മുതൂർ അദ്ധ്യക്ഷത വഹിച്ചു. യൂത്ത് കോൺഗ്രസ്സ് സംസ്ഥന ജനറൽ സെക്രട്ടറി സി.കെ ഹാരിസ്, ഹക്കിം പെരുമുക്ക്, വിനു ഇരുമ്പിളിയം, ഷബാബ്, രാജേഷ് എന്നിവർ സംസാരിച്ചു. പോലീസുമായുള്ള വാക്കേറ്റത്തെ തുടർന്ന് പ്രവർത്തകർ നാഷ്ണൽ ഹൈവേ ഉപരോധിച്ചു. ഹാരിസ് മുതൂർ ജില്ലാ സെക്രട്ടറിമാരായ ഇ.കെ അൻഷിദ് ,ആദിൽ കെ കെ ബി, ആഗ്നേയ് നന്ദൻ, ലിജിത്ത് ചന്ദ്രൻ എന്നിവരെ അറസ്റ്റ് ചെയ്തു നീക്കി.