പാചകത്തൊഴിലാളികൾക്ക് കിറ്റുകൾ നൽകി കെ.എസ്.ടി.എ കുറ്റിപ്പുറം ഉപജില്ലാകമ്മിറ്റി

വളാഞ്ചേരി : കെ.എസ്.ടി.എ. കുറ്റിപ്പുറം ഉപജില്ലാകമ്മിറ്റി ഉപജില്ലയിലെ മുഴുവൻ സ്കൂളുകളിലെയും പ്രീ -പ്രൈമറി ടീച്ചർ, ആയമാർ, പാചകത്തൊഴിലാളികൾ തുടങ്ങി നാനൂറ്റി ഇരുപത്തിയഞ്ച് പേർക്ക് പലവ്യഞ്ജനക്കിറ്റുകൾ വിതരണംചെയ്തു. ഉപജില്ലയിലെ ഏഴുമേഖലകളിലാണ് വിതരണം നടന്നത്. ഉപജില്ലാതല ഉദ്ഘാടനം വളാഞ്ചേരി ടി.ആർ.കെ.യു.പി. സ്കൂളിൽ സി.ഐ.ടി.യു. ജില്ലാ ജനറൽസെക്രട്ടറി വി.പി. സക്കറിയ നിർവഹിച്ചു.

എടയൂരിൽ ഗ്രാമപ്പഞ്ചായത്ത് പ്രസിഡന്റ് കെ.കെ. രാജീവും വടക്കുമ്പ്രത്ത് എ.എൻ. ജോയ്, ഇരിമ്പിളിയത്ത് ഇ. മുകുന്ദൻ, കുറ്റിപ്പുറത്ത് കെ. രാമദാസ്, കൽപ്പകഞ്ചേരിയിൽ കെ. ഷാജിദ്, ആതവനാട്ട് കെ.പി. ശങ്കരൻ, മാറാക്കരയിൽ അഡ്വ. പി. ജാബിർ എന്നിവരുമാണ് കിറ്റുവിതരണം നടത്തിയത്.