യൂത്ത് ലീഗ് മാർച്ചിനിടെ നടന്ന പോലീസ് നടപടിയിൽ പ്രതിഷേധിച്ച് വളാഞ്ചേരി ടൗണിൽ മുസ്ലിം ലീഗ് പ്രതിഷേധ പ്രകടനം നടത്തി

വളാഞ്ചേരി: സംശയ നിഴലിലായ മന്ത്രി കെ.ടി ജലീൽ രാജി വെക്കണമെന്നാവശ്യപ്പെട്ടു മന്ത്രിയുടെ കാവുംപുറത്തെ വീട്ടിലേക്ക് മാർച്ച് ചെയ്ത യൂത്ത് ലീഗ് നേതാക്കളെയും പ്രവർത്തകരെയും ക്രൂരമായി ലാത്തിച്ചാർജ് ചെയ്യുകയും പ്രതിഷേധിച്ചവർക്കെതിരെ ജാമ്യമില്ലാ വകുപ്പു ചുമത്തി കള്ളക്കേസെടുക്കുകയും ചെയ്തെന്നാരോപിച്ചും പോലീസ് നടപടിയിൽ പ്രതിഷേധിച്ചും മുനിസിപ്പൽ മുസ്ലിം ലീഗ് കമ്മറ്റിയുടെ ആഭിമുഖ്യത്തിൽ ടൗണിൽ പ്രകടനം നടത്തി. മുസ്ലിം ലീഗ് ജില്ലാ സെക്രട്ടറി കെ.എം ഗഫൂർ, മുനിസിപ്പൽ ഭാരവാഹികളായ അഷ്റഫ് അമ്പലത്തിങ്ങൽ, സലാം വളാഞ്ചേരി, സി അബ്ദുൽ നാസർ, മുഹമ്മദലി നീറ്റുകാട്ടിൽ, യു.യൂസഫ്, കെ മുസ്തഫ മാസ്റ്റർ, സി, ദാവൂദ്, മൂർക്കത്ത് മുസ്തഫ, ടി.കെ സലിം, പി.പി ഷാഫി, അഡ്വ. പി.പി ഹമീദ്, വി.പി അബ്ദുറഹ്മാൻ എന്ന മണി, സി.എം റിയാസ്, മുജീബ് വാലാസി, അൻവർ മുളമുക്കിൽ നേതൃത്വം നൽകി.