കനത്ത മഴ; വെട്ടിച്ചിറയിൽ മരം വീണ് ഗതാഗതം സ്തംഭിച്ചു
വെട്ടിച്ചിറ: കഴിഞ്ഞ ദിവസങ്ങളിൽ കനത്ത മഴ പെയ്തുവരുന്ന വളാഞ്ചേരി മേഖലയിൽ വ്യാപക നഷ്ടം. ഇന്ന് രാവിലെ വെട്ടിച്ചിറയിൽ മരം വീണ് ദേശീയപാതയിൽ ഗതാഗതം സ്തംഭിച്ചു. വെട്ടിച്ചിറയിലെ പടിയത്ത് ബംഗ്ലാവിന് മുന്നിൽ നിന്നിരുന്ന കൂറ്റൻ അക്കേഷ്യ മരമാണ് ഇന്ന് രാവിലെ ആറ് മണിയോടെ കടപുഴകി വീണത്.
ഇതേതുടർന്ന് ദേശീയപാത 66ൽ ഈ സമയത്ത് ഏറെ നേരം ഗതാഗതം തടസപ്പെട്ടു. പോലീസും വളണ്ടിയർമാരും ചേർന്ന് ഗതാഗതം നിയന്ത്രിച്ചു. തിരൂരിൽ നിന്നെത്തിയ ഫയർഫോഴ്സ് സംഘം റോഡിൽ നിന്ന് മരം വെട്ടി മാറ്റി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
