44 ലക്ഷം രൂപയുടെ കുഴൽപ്പണവുമായി വേങ്ങര സ്വദേശി അറസ്റ്റിൽ

തിരൂർ: ജില്ലയുടെ വിവിധ ഭാഗങ്ങളിൽ വിതരണം ചെയ്യാൻ ട്രെയിൻ മാർഗം എത്തിച്ച 44 ലക്ഷം രൂപയുടെ കുഴൽപ്പണവുമായി വേങ്ങര സ്വദേശിയെ പൊലീസ് പിടികൂടി. വേങ്ങര കണ്ണാടിപ്പടി സ്വദേശി മുഹമ്മദ് ഹനീഫ(43)യെ ആണ് റെയിൽവേ സ്റ്റേഷൻ പരിസരത്ത് പൊലീസ് അറസ്റ്റ് ചെയ്തത്. ഇയാളുടെ ശരീരത്തിൽ കെട്ടിവച്ച തുണിസഞ്ചിയിൽനിന്ന് 2,000 രൂപയുടെ കെട്ടുകൾ പൊലീസ് കണ്ടെത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മുൻപ് കോയമ്പത്തൂരിൽവച്ച് കുഴൽപ്പണം കടത്തുന്നതിനിടെ പൊലീസ് പിടികൂടാൻ ശ്രമിച്ചെങ്കിലും ഇയാൾ രക്ഷപ്പെട്ടിരുന്നതായി പൊലീസ് പറഞ്ഞു.