ഗോട്ട് സാറ്റലൈറ്റ് സ്കീം; വളാഞ്ചേരി നഗരസഭയിൽ ആടുകളെ വിതരണം നടത്തി

വളാഞ്ചേരി:മ്യഗ സംരക്ഷണ വകുപ്പും വളാഞ്ചേരി നഗരസഭയും സംയുക്ത മായി നടപ്പിലാക്കുന്ന ഗോട്ട് സാറ്റലൈറ്റ് സ്കീം 2022-23 വാർഷിക പദ്ധതിയുടെ ഭാഗമായി ഒരു യൂണിറ്റ് മലബാരി ആടുകളെ നഗരസഭയിൽ നിന്നും തിരഞ്ഞെടുത്ത ഗുണഭോക്താവിന് നഗരസഭ ചെയർമാൻ അഷറഫ് അമ്പലത്തിങ്ങൾ കൈമാറി പദ്ധതിയുടെ ഉദ്ഘാടനം നിർവഹിച്ചു. ഒരു യൂണിറ്റിന് 50 % സബ്സിഡി ആണ് പദ്ധതി വിഹിതമായി ലഭിക്കുക.കെ.എം അബ്ദുൽ ഗഫൂർ, നഗരസഭ വൈസ് ചെയർമാൻ റംല മുഹമ്മദ്, വികസന കാര്യ സ്റ്റാന്റിംഗ് കമ്മിറ്റി ചെയർമാൻ സി.എം റിയാസ്, വിദ്യാഭ്യാസ കലാ-കായിക സ്റ്റാന്റിംഗ് കമ്മിറ്റി ചെയർമാൻ മുജീബ് വാലാസി, മരാമത്ത് കാര്യ സ്റ്റാന്റിംഗ് കമ്മിറ്റി ചെയർപേഴ്സൺ റൂബി ഖാലിദ്, കൗൺസിലർ കളപ്പുലാൻ സിദ്ധീഖ് ഹാജി, സീനിയർ വൈറ്റ്നറി ഡോക്ടർ അബ്ദുൽ ഗഫൂർ പൂങ്ങാടൻ, മുസ്തഫ മാസ്റ്റർ തുടങ്ങിയവർ പങ്കെടുത്തു.