HomeNewsCrimeനാടോടി ബാലികയ്ക്ക് ക്രൂര മർദനം; എടപ്പാളിൽ സിപിഎം ഏരിയ കമ്മിറ്റി അംഗം അറസ്റ്റിൽ

നാടോടി ബാലികയ്ക്ക് ക്രൂര മർദനം; എടപ്പാളിൽ സിപിഎം ഏരിയ കമ്മിറ്റി അംഗം അറസ്റ്റിൽ

child-abuse

നാടോടി ബാലികയ്ക്ക് ക്രൂര മർദനം; എടപ്പാളിൽ സിപിഎം ഏരിയ കമ്മിറ്റി അംഗം അറസ്റ്റിൽ

മലപ്പുറം: എടപ്പാളില്‍ പത്തുവയസ്സുകാരിയായ നാടോടി ബാലികയ്ക്ക് ക്രൂരമര്‍ദനം. നെറ്റിയില്‍ ആഴത്തില്‍ പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു. വട്ടംകുളത്തെ മുന്‍ പഞ്ചായത്ത് പ്രസിഡന്റും സി.പി.എം. നേതാവുമായ പി. രാഘവനാണ് കുട്ടിയെ മര്‍ദിച്ചത്. ഇയാളെ പോലീസ് കസ്റ്റഡിയിലെടുത്തു.
child-abuse
ഞായറാഴ്ച രാവിലെയായിരുന്നു സംഭവം. ആക്രിസാധനങ്ങള്‍ ശേഖരിക്കുന്ന നാടോടിസംഘത്തില്‍ ഉള്‍പ്പെട്ട ബാലികയ്ക്കാണ് മര്‍ദനമേറ്റത്. എടപ്പാളിലെ രാഘവന്റെ കെട്ടിടത്തോട് ചേര്‍ന്ന് ആക്രിസാധനങ്ങള്‍ ശേഖരിക്കുന്നതിനിടെ രാഘവന്‍ ഇവരെ തടയുകയും പത്തുവയസ്സുകാരിയെ ക്രൂരമായി മര്‍ദിക്കുകയുമായിരുന്നു. നെറ്റിയില്‍ ആഴത്തില്‍ മുറിവേറ്റ് ചോരയൊലിക്കുന്ന നിലയിലാണ് കുട്ടിയെ ആശുപത്രിയിലെത്തിച്ചത്.

കുട്ടിയെ മര്‍ദിച്ച സംഭവം പുറത്തുവിട്ടതോടെ ബാലവകാശ കമ്മീഷന്‍ സ്വമേധയാ കേസെടുക്കുമെന്ന് ചെയര്‍മാന്‍ പി. സുരേഷ് പറഞ്ഞു. കുട്ടിയോട് ചെയ്ത അതിക്രമം ന്യായീകരിക്കാന്‍ കഴിയില്ലെന്നും സംഭവത്തില്‍ ശക്തമായ നടപടികളെടുക്കുമെന്നും അദ്ദേഹം വ്യക്തമാക്കി.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!