ആതവനാട് പഞ്ചായത്തില്‍ പര്യടനം നടത്തി ഗഫൂര്‍ പി.ലില്ലീസ്
തിരൂര്‍: തിരൂര്‍ നിയമസഭാ മണ്ഡലം എല്‍.ഡി.എഫ് സ്ഥാനാര്‍ഥി ഗഫൂര്‍ പി.ലില്ലീസ് ഇന്ന് തെരഞ്ഞെടുപ്പ് പ്രചരണം ആരംഭിച്ചത് ചന്ദനക്കാവ് ക്ഷേത്രത്തില്‍ നിന്നാണ്.രാവിലെ ക്ഷേത്രത്തില്‍ എത്തിയ ഗഫൂര്‍ പി.ലില്ലീസ് ക്ഷേത്രകമ്മിറ്റി ഭാരവാഹികളുമായി ചര്‍ച്ച നടത്തി.ദേവസ്വം ബോര്‍ഡിന്റെ ഉടമസ്ഥതയിലുളള സ്ഥലം മത-ജാതി ഭേദമന്യേ കുട്ടികള്‍ക്കായി ഒരു ചെറിയ ചില്‍ഡ്രന്‍സ് പാര്‍ക്ക് നിര്‍മിക്കുന്നതിനുളള സാധ്യതകള്‍ പരിശോധിക്കണമെന്ന് ക്ഷേത്ര കമ്മിറ്റി ഭാരവാഹികള്‍ സ്ഥാനാര്‍ഥിയോട് ആവശ്യപ്പെട്ടു.ക്ഷേത്രത്തിനായി ഒരു ഓപ്പണ്‍ സ്റ്റേജ് നിര്‍മിക്കുന്നതിനുള്ള നടപടിയും ക്ഷേത്രം ഭാരവാഹികള്‍ സ്ഥാനാര്‍ത്ഥിയുടെ ശ്രദ്ധയില്‍പ്പെടുത്തി. മണ്ഡലത്തില്‍ നിന്ന് തെരഞ്ഞെടുക്കപ്പെട്ടാല്‍ ഈ രണ്ട് ആവശ്യങ്ങളും പരിഗണിക്കാമെന്ന് ഗഫൂര്‍ പി.ലില്ലീസ് ഭാരവാഹികള്‍ക്ക് ഉറപ്പുനല്‍കി. ആതവനാട് പഞ്ചായത്തിലെ ചന്ദനക്കാവ്, കുറുമ്പത്തൂര്‍, കുട്ടികളത്താണി, പള്ളിപ്പാറ, അതിരുമട, ചേലക്കോട്, പുന്നത്തല, മുഴുങ്ങാണി, കമ്പിവളപ്പ്, ആറളംകാട്, ചോറ്റൂര്‍ കോളനി, ചോറ്റൂര്‍, പട്ടര്‍ക്കല്ല്, കരിവാന്‍പടി, മങ്ങംപറമ്പില്‍, മാട്ടുമ്മല്‍, മണ്ണേക്കര, പറേക്കളം എന്നിവിടങ്ങളിലെ പര്യടന ശേഷം രാത്രി ഏഴിന് പാറപ്പുറത്തു സമാപിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
