കുറ്റിപ്പുറം പാലത്തിന് അടിയിൽനിന്ന് കുഴിബോംബും വെടിക്കോപ്പും: പുഴയിൽ ഇന്ന് കൂടുതൽ പരിശോധന

കുറ്റിപ്പുറം: കൂടുതൽ സ്ഫോടക വസ്തുക്കളും ആയുധങ്ങളും ഉണ്ടോ എന്ന് അറിയാൻ ഇന്ന് ഭാരതപ്പുഴയിൽ വ്യാപക പരിശോധന നടത്തും. കുറ്റിപ്പുറം പാലത്തിനു താഴെയുള്ള വെള്ളംവറ്റിച്ചാണ് പരിശോധന നടത്തുക. സംഭവത്തെക്കുറിച്ച് അന്വേഷിക്കുന്ന പ്രത്യേക സംഘത്തിന്റെ നേതൃത്വത്തിൽ ‌രാവിലെ ഒൻപതു മുതലാണ് പരിശോധന നടത്തുക.

ഇന്നലെ കണ്ടെത്തിയ വെടിയുണ്ടകളും മറ്റു വെടിക്കോപ്പുകളും വെള്ളത്തിനടിയിൽനിന്നാണ് കണ്ടെത്തിയത്. ഇവ ചാക്കിൽക്കെട്ടി താഴ്ത്തിയ നിലയിലായിരുന്നു. ആഴമുള്ള ഭാഗങ്ങളിൽ ഇന്നലെ പരിശോധന നടത്താനായിട്ടില്ല. കൂടുതൽ സ്ഫോടക വസ്തുക്കൾ ഉണ്ടാകാനുള്ള സാധ്യത കണക്കിലെടുത്താണ് ഇന്നും പരിശോധന നടത്തുക.