സൌജന്യ കിറ്റ് വിതരണം പാണ്ടികശാലയിൽ ആരംഭിച്ചു

കുറ്റിപ്പുറം: ലോക് ഡൗണിനെ തുടർന്ന് സർക്കാർ റേഷൻ കടകളിലൂടെ വിതരണം ചെയ്യുന്ന സൗജന്യ കിറ്റ് വിതരനം പാണ്ടികശാലയിൽ ആരംഭിച്ചു. പാണ്ടികശാല 160 നമ്പർ റേഷൻ ഷോപ്പിലെ AAY ഗുണഭോക്താക്കൾക്കുള്ള ഫ്രീ കിറ്റ് വിതരണം കുറ്റിപ്പുറം പഞ്ചായത്തിലെ ഒമ്പതാം വാർഡ് മെമ്പർ സി ഹമീദ് നിർവ്വഹിച്ചു. റേഷൻ ഷോപ്പ് ലൈസൻസി കെ വിജയൻ, ടി.പി യാഹുട്ടി എന്നിവർ സംബന്ധിച്ചു. ഉപ്പ്, ഉഴുന്ന്, വെളിച്ചെണ്ണ, പരിപ്പ് തുടങ്ങി കുളി സോപ്പ് വരെയുള്ള 17 ഇന അവശ്യ സാധനങ്ങളാണ് കിറ്റിലടങ്ങിരിക്കുന്നത്. മുൻഗണന കാർഡുടമകൾക്കാണ് ആദ്യഘട്ട വിതരണം തുടർന്നുള്ള ദിവസങ്ങളിൽ മുൻഗണനേതര കാർഡുടമകൾക്കും വിതരണം ചെയ്യും. സംസ്ഥാനത്തൊട്ടാകെ എൺപത്തി എട്ട് ലക്ഷത്തിൽപരം കാർഡുടമകൾക്കാണ് കിറ്റ് ലഭ്യമാക്കുന്നത്.