കള്ളുഷാപ്പ് തൊഴിലാളികൾക്ക് സാമ്പത്തിക സഹായം അനുവദിച്ചു

തിരുനാവായ : ജില്ലയിൽ അടഞ്ഞുകിടക്കുന്ന കള്ളുഷാപ്പുകളിലെ തൊഴിൽനഷ്ടപ്പെട്ട തൊഴിലാളികൾക്ക് ഓണത്തോടനുബന്ധിച്ച് സാമ്പത്തികസഹായം അനുവദിച്ചു. ചെത്തുതൊഴിലാളികൾക്ക് 2,500 രൂപയും വില്പനത്തൊഴിലാളികൾക്ക് 2,000 രൂപയുമാണ് സഹായം. അർഹരായവർ കള്ളുഷാപ്പുകൾ ഉൾപ്പെട്ട എക്സൈസ് സർക്കിൾ ഓഫീസുകളിൽ ടോഡി വെൽഫെയർ ഫണ്ട് ഇൻസ്പെക്ടറുടെ ഐഡന്റിറ്റികാർഡ് സഹിതം നേരിട്ട് ഹാജരായി തുക കൈപ്പറ്റണമെന്ന് ജില്ലാ എക്സൈസ് കമ്മിഷണർ അറിയിച്ചു.