HomeNewsCrimeകാവും‌പുറത്ത് മോഷണശ്രമത്തിനിടെ വൃദ്ധ ദമ്പതികളെ വെട്ടിപരിക്കേല്‍പ്പിച്ചു: യുവാവ് അറസ്റ്റില്‍

കാവും‌പുറത്ത് മോഷണശ്രമത്തിനിടെ വൃദ്ധ ദമ്പതികളെ വെട്ടിപരിക്കേല്‍പ്പിച്ചു: യുവാവ് അറസ്റ്റില്‍

cuff

കാവും‌പുറത്ത് മോഷണശ്രമത്തിനിടെ വൃദ്ധ ദമ്പതികളെ വെട്ടിപരിക്കേല്‍പ്പിച്ചു: യുവാവ് അറസ്റ്റില്‍

വളാഞ്ചേരി: ഒറ്റയ്ക്ക് താമസിക്കുന്ന വൃദ്ധദമ്പതിമാരെ വീട്ടില്‍കയറി വെട്ടിപ്പരിക്കേല്‍പ്പിച്ച് കവര്‍ച്ചനടത്താന്‍ ശ്രമിച്ച യുവാവ് അറസ്റ്റില്‍. വളാഞ്ചേരി കാവുംപുറം കോതോളിലെ പാറയില്‍ പ്രമോദാ(42)ണ് അറസ്റ്റിലായത്. കാവുംപുറത്തുതന്നെയുള്ള വളകത്തുപറമ്പില്‍ കുഞ്ഞന്‍നായര്‍ (72), ഭാര്യ സുലോചന (67) എന്നിവരാണ് ആക്രമണത്തിന് ഇരയായത്. ചൊവ്വാഴ്ച രാത്രിയാണ് സംഭവം. പോലീസ് പറയുന്നതിങ്ങനെ: പതിനഞ്ചുപവനോളം ആഭരണം ധരിച്ചിരുന്ന സുലോചനയെ ലക്ഷ്യമിട്ടാണ് പ്രമോദ് ചൊവ്വാഴ്ച രാത്രി വീട്ടിലെത്തിയത്. ൈകയില്‍ കരുതിയിരുന്ന വെട്ടുകത്തി കാട്ടി ഭീഷണിപ്പെടുത്തി ആഭരണങ്ങള്‍ ഊരിവാങ്ങുകയായിരുന്നു ഉദ്ദേശ്യം. അകത്തുകയറിയ മോഷ്ടാവിനെ കണ്ടതോടെ സുലോചന ഉച്ചത്തില്‍ ബഹളംവെച്ചു. ഇത്‌കേട്ട് ഭര്‍ത്താവ് കുഞ്ഞന്‍നായരും ഓടിയെത്തി. ലക്ഷ്യം പാളിയതോടെ ഇരുവരേയും വെട്ടുകയായിരുന്നു. വെട്ട് തടുത്തതിനാല്‍ ഇരുവരുടേയും കൈയ്ക്ക് പരിക്കേറ്റു. ഇതിനിടെ ബഹളംകേട്ട് അയല്‍ക്കാരും ഓടിയെത്തി. ഇതോടെ മോഷ്ടാവ് സ്ഥലത്ത്‌നിന്ന് രക്ഷപ്പെട്ടു. രാത്രിതന്നെ പോലീസും നാട്ടുകാരും നടത്തിയ തിരച്ചിലിനൊടുവില്‍ ഇയാളെ പിടികൂടി. ഇയാളെ വ്യാഴാഴ്ച കോടതിയില്‍ ഹാജരാക്കും.

Sharing is caring
No Comments

Leave A Comment