കോട്ടയ്ക്കൽ പറപ്പൂർ റോഡിലെ മണ്ണെടുപ്പിനെതിരേ പ്രതിഷേധ സമരം നടത്തി ഡി.വൈ.എഫ്.ഐ

കോട്ടയ്ക്കൽ :പറപ്പൂർ റോഡിലെ മണ്ണെടുപ്പിനെതിരേ പ്രതിഷേധ സമരം നടത്തി ഡി.വൈ.എഫ്.ഐ. പെർമിറ്റിൽ അനുവദിച്ചതിൽ കൂടുതൽ മണ്ണാണ് ഇവിടെനിന്നെടുക്കുന്നതെന്ന് ഡി.വൈ.എഫ്.ഐ. ആരോപിച്ചു. 23,000 മെട്രിക് ടൺ മണ്ണെടുക്കാനാണ് അനുമതി. പെരിന്തൽമണ്ണ താലൂക്കിലെ കോഡൂരിലേക്ക് കൊണ്ടുപോകാനാണ് അനുമതി. എന്നാൽ മറ്റിടങ്ങളിലേക്കും മണ്ണ് കൊണ്ടുപോകുന്നുണ്ട്. പരിസ്ഥിതിക്കും പൊതുജനങ്ങൾക്കും പ്രയാസമുണ്ടാക്കുന്ന തരത്തിലാണ് മണ്ണ് കൊണ്ടുപോകുന്നതെന്നും പ്രതിഷേധക്കാർ പറഞ്ഞു.

ഡി.വൈ.എഫ്.ഐ. പ്രതിഷേധപരിപാടി സി.പി.എം. ലോക്കൽകമ്മിറ്റി സെക്രട്ടറി ഇ.ആർ. രാജേഷ് ഉദ്ഘാടനംചെയ്തു. ബ്ലോക്ക് സെക്രട്ടറി ടി.പി. ഷെമീം, ട്രഷറർ കെ. ശ്രീജിത്ത്, മേഖലാസെക്രട്ടറി എം.സി. വൈശാഖ് തുടങ്ങിയവർ പങ്കെടുത്തു.