കോട്ടയ്ക്കലിൽ രണ്ടിടത്ത് തീപ്പിടിത്തം

കോട്ടയ്ക്കൽ: നായാടിപ്പാറയിലും പുതുപ്പറമ്പിലും ചൊവ്വാഴ്ച ഉച്ചയ്ക്ക് പുൽക്കാടുകൾക്ക് തീപിടിച്ചു.നായാടിപ്പാറയിൽ ജി.യു.പി. സ്കൂളിനുസമീപമുള്ള ശ്മശാനത്തിലെയും തൊട്ടുള്ള പറമ്പിലെയും പുൽക്കാടുകൾക്കാണ് തീപിടിച്ചത്. നാട്ടുകാരും മലപ്പുറത്തുനിന്നെത്തിയ അഗ്നിരക്ഷാസേനയും ചേർന്ന് തീ കെടുത്തി. ശ്മശാനത്തിലേക്കുള്ള വഴിയിൽ വാഹനം കയറാത്തതിനാൽ ബക്കറ്റിൽ വെള്ളമെത്തിച്ചാണ് തീകെടുത്തിയത്.

പുതുപ്പറമ്പിൽ ഒറ്റത്തെങ്ങ് വില്ലാക്കാട് അഞ്ചുകണ്ടൻ ചേക്കുവിന്റെ മൂന്നേക്കറോളം വരുന്ന പറമ്പിലെ പുൽക്കാടുകൾക്കാണ് തീപടർന്നത്. നാട്ടുകാർ തീകെടുത്തി. പോലീസും അഗ്നിരക്ഷാസേനയും എത്തിയിരുന്നു.