പുത്തനത്താണി-വട്ടത്താണി റോഡിന്റെ ശോച്യാവസ്ഥ; കുറുക്കോളി മൊയ്തീൻ എം.എൽ.എ.യുടെ ഓഫീസിലേക്ക് മാർച്ച് നടത്തി സി.പി.എം

കല്പകഞ്ചേരി : പുത്തനത്താണി-വട്ടത്താണി റോഡിന്റെ ശോച്യാവസ്ഥയ്ക്ക് പരിഹാരം കാണണമെന്നാവശ്യപ്പെട്ട് സി.പി.എം. കുറുക്കോളി മൊയ്തീൻ എം.എൽ.എ.യുടെ കടുങ്ങാത്തുകുണ്ടിലെ ഓഫീസിലേക്ക് ബഹുജനമാർച്ച് നടത്തി. കല്പകഞ്ചേരി അങ്ങാടിയിൽനിന്നും വരമ്പനാലയിൽ നിന്നും ആരംഭിച്ച മാർച്ചുകൾ കടുങ്ങാത്തുകുണ്ടിൽ സംഗമിച്ചു.

തിരൂർ ഏരിയാ സെക്രട്ടറി അഡ്വ. ഹംസക്കുട്ടി ഉദ്ഘാടനംചെയ്തു. പി.സി. കബീർ ബാബു അധ്യക്ഷത വഹിച്ചു. പറമ്പാട്ട് സൈതുട്ടി, ഇ. അമീർ, കോട്ടയിൽ ഷാജിത്ത്, വേണുഗോപാലൻ, ടി. വാസു, സുമിൽ എന്നിവർ പ്രസംഗിച്ചു.