പെട്രോൾ, ഡീസൽ വിലവർദ്ധന; വളാഞ്ചേരിയിലും എടയൂരും ഇരിമ്പിളിയത്തും കോൺഗ്രസിന്റെ ആഭിമുഖ്യത്തിൽ പോസ്റ്റ് ഓഫീസ് ഉപരോധം

വളാഞ്ചേരി : ദുരന്തകാലത്ത് ക്രമാതീതമായി ഇന്ധനവില വർധിപ്പിക്കുന്ന കേന്ദ്രസർക്കാർ നടപടയിൽ പ്രതിഷേധിച്ച് വളാഞ്ചേരി മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ വളാഞ്ചേരി പോസ്റ്റ്‌ഓഫീസ് ഉപരോധിച്ചു. യൂത്ത് കോൺഗ്രസ് ജില്ലാ ജനറൽസെക്രട്ടറി അഹമ്മദ് പാറയിൽ ഉദ്ഘാടനംചെയ്തു. മണ്ഡലം പ്രസിഡന്റ് പറശേരി അസൈനാർ അധ്യക്ഷതവഹിച്ചു. വി.കെ. രാജേഷ്, ടി.വി. ചന്ദ്രശേഖരൻ, ഹബീബ് പറമ്പയിൽ, യു. മണി, നൗഫൽ പാലാറ, രാജൻ, പി. സുരേഷ്, ടി.വി. ശ്രീകുമാർ, പി. മുത്തു തുടങ്ങിയവർ പങ്കെടുത്തു

ഇരിമ്പിളിയം: വർധിപ്പിച്ച ഇന്ധനവില കുറയ്ക്കണമെന്നാവശ്യപ്പെട്ട് വലിയകുന്ന് മണ്ഡലം കോൺഗ്രസ് കമ്മിറ്റി വലിയകുന്ന് പോസ്റ്റ്‌ഓഫീസ് ഉപരോധിച്ചു. ഡി.സി.സി. സെക്രട്ടറി പി.സി. മരക്കാർ അലി ഉദ്ഘാടനംചെയ്തു. കെ.ടി. മൊയ്തു അധ്യക്ഷതവഹിച്ചു. കെ. മുരളീധരൻ, സി. കരുണകുമാർ, പി. സുരേഷ്, ടി.ആർ. സോമൻ, എന്നിവർ പ്രസംഗിച്ചു.

പുറമണ്ണൂർ പോസ്റ്റ്‌ ഒാഫീസിനുമുന്നിൽ നടന്ന ധർണ ഡി.സി.സി. സെക്രട്ടറി പി.സി.എ. നൂർ ഉദ്ഘാടനംചെയ്തു. ടി.പി. അബൂബക്കർ അധ്യക്ഷതവഹിച്ചു. ഇ.കെ. രാജു, കെ. ഗോപാലൻ, ബിനീഷ് പുറമണ്ണൂർ എന്നിവർ പ്രസംഗിച്ചു. ഇരിമ്പിളിയം പോസ്റ്റ്‌ ഓഫീസിനുമുന്നിലെ ധർണ ബ്ലോക്ക് കോൺഗ്രസ് വൈസ് പ്രസിഡന്റ് പി. അബ്ദുറഹ്‌മാൻ ഉദ്ഘാടനംചെയ്തു. എ.പി. നാരായണൻ അധ്യക്ഷതവഹിച്ചു. വിനു പുല്ലാനൂർ, പി.ടി. ഷംനാസ്, ബിനീഷ് മങ്കേരി, പി.പി. സുധീപ്, ബിജു മങ്കേരി എന്നിവർ പങ്കെടുത്തു.

എടയൂർ: അന്യായമായ ഇന്ധനവില പിൻവലിക്കണമെന്നാവശ്യപ്പെട്ട് എടയൂർ മണ്ഡലം കോൺഗ്രസ് കമ്മിറ്റി എടയൂർ പോസ്റ്റ്‌ ഓഫീസിനുമുന്നിൽ ധർണ നടത്തി. പി.സി. നൂർ ഉദ്ഘാടനംചെയ്തു. കല്ലിങ്ങൽ മുഹമ്മദ്കുട്ടി അധ്യക്ഷതവഹിച്ചു. എം.ടി. അബ്ദുൾ അസീസ്, കെ.പി. വേലായുധൻ, കെ.കെ. മോഹനകൃഷ്ണൻ, ഇ.ടി. താഹിർ, എ.കെ. അസീസ്, റഫീഖ് മച്ചിഞ്ചേരി, ബഷീർ മാവണ്ടിയൂർ, പി.ടി. സുധാകരൻ, എ.കെ. മാനു എന്നിവർ പങ്കെടുത്തു.