ചെരാത് അഖിലേന്ത്യാ സെവൻസ് ടൂർ‌ണമെന്റ് ഇന്നുമുതൽ
വളാഞ്ചേരി ∙ മൈതാനം ഒരുങ്ങി; ചെരാത് അഖിലേന്ത്യാ സെവൻസ് ഫുട്ബോൾ ടൂർ‌ണമെന്റിനു ഇന്നാരംഭം. താണിയപ്പൻകുന്നിൽ സജ്ജമാക്കിയ മൂവായിരംപേർക്ക് ഇരിപ്പിട സൗകര്യമുള്ള മൈതാനിയുടെ നിർമാണം ഇന്നലെ വൈകിട്ടോടെ പൂർത്തിയായി. ഫ്ലഡ്‍ലിറ്റ് സംവിധാനവും ഒരുക്കി. ഇന്നു രാത്രി എട്ടിനു വളാഞ്ചേരി നഗരസഭാധ്യക്ഷ എം.ഷാഹിന ടൂർണമെന്റിന്റെ ഉദ്ഘാടനം നിർവഹിക്കും.
നയൻസ് ഫുട്ബോൾ ദേശീയ ചാംപ്യന്മാരായ കേരള ടീം ക്യാപ്റ്റൻ റിനു വെട്ടിച്ചിറയെയും ദേശീയതലത്തിൽ മികച്ച കളിക്കാരനായി തിരഞ്ഞെടുത്ത ജംഷീർ വളാഞ്ചേരിയെയും ചടങ്ങിൽ ആദരിക്കും. ഒരുമാസം നീളുന്ന ടൂർണമെന്റിൽ 22 ടീമുകൾ പങ്കെടുക്കുന്നുണ്ട്. പ്രാദേശിക ടീമായ കാവുംപുറം ഓസ്കാറും അരീക്കോട് സെവൻസ് ബ്രദേഴ്സും തമ്മിലാണ് ഉദ്ഘാടന മത്സരം.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
