ദേശീയപാത അലൈൻമെന്റിൽ മാറ്റം; പുത്തനത്താണി ടൗൺ ദേശീയപാത‌യുടെ ഭാഗമല്ലാതാകും.

കോട്ടയ്ക്കൽ: ദേശീയപാതാ വികസനത്തിന്റെ ഭാഗമായി ഭൂമിയേറ്റെടുക്കാൻ സർവേ പുരോഗമിക്കവേ പുത്തനത്താണി, എടരിക്കോട് എന്നിവിടങ്ങളിൽ അലൈൻമെന്റ് മാറും. പുത്തനത്താണി ടൗൺ, ചുങ്കം വളവുകൾ ഒഴിവാക്കാനാണിത്. ചുങ്കത്തുനിന്നു തുടങ്ങി അതിരുമടയിൽ അവസാനിക്കുന്ന രീതിയിലായിരിക്കും പുതിയ പാത നിർമിക്കുക.

ഇതോടെ പുത്തനത്താണി ടൗൺ ദേശീയപാത‌യുടെ ഭാഗമല്ലാതാകും. സ്വാഗതമാട്ടുനിന്നു തുടങ്ങി പാലച്ചിറമാട് വരെ മറ്റൊരു അലൈൻമെന്റ് മാറ്റവും വരും. ഇവിടെ പുതിയ ബൈപാസ് റോഡ് നിർമിക്കുകയാണ് ലക്ഷ്യം. എടരിക്കോട്, ചങ്കുവെട്ടി ടൗണുകളും ഇതോടെ ദേശീയപാതയുടെ ഭാഗമല്ലാതായിത്തീരും. വെട്ടിച്ചിറ ജുമാ മസ്ജിദിനു മുൻവശം മേൽപ്പാലം നിർമിച്ചു റോഡ് വികസനം നടപ്പാക്കണമെന്നാണ് ആവശ്യം.