എം.എൽ.എ. ഫണ്ടുപയോഗിച്ച് കോട്ടയ്ക്കൽ മണ്ഡലത്തിലെ സ്കൂൾ ലൈബ്രറികൾക്ക് ഒരു ലക്ഷം രൂപയുടെ പുസ്തകങ്ങൾ നൽകി
വളാഞ്ചേരി : കോട്ടയ്ക്കൽ മണ്ഡലത്തിലെ നാല് ഗവ. ഹൈസ്‌കൂളുകളിലെ ലൈബ്രറികൾക്ക് ആബിദ് ഹുസൈൻ തങ്ങൾ എം.എൽ.എ പുസ്തകങ്ങൾ നൽകുന്നു. പ്രത്യേക വികസനപദ്ധതിയിൽനിന്ന് അനുവദിച്ച ഒരു ലക്ഷം രൂപ ഉപയോഗിച്ച് വാങ്ങിയ പുസ്തകങ്ങളാണ് കുറ്റിപ്പുറം, ഇരിമ്പിളിയം, കോട്ടയ്ക്കൽ, പേരശ്ശനൂർ എന്നീ ഹൈസ്‌കൂൾ ലൈബ്രറികൾക്ക് നൽകുന്നത്.
പുസ്തകങ്ങളുടെ വിതരണോദ്ഘാടനം ഇരിമ്പിളിയം ഗവ. ഹൈസ്‌കൂളിൽ എം.എൽ.എ. നിർവഹിച്ചു. ജില്ലാ പഞ്ചായത്തംഗം എ.പി. സബാഹ് അധ്യക്ഷത വഹിച്ചു. പഞ്ചായത്ത് പ്രസിഡന്റ് കെ. മാനുപ്പ മുഖ്യപ്രഭാഷണം നടത്തി. പ്രിൻസിപ്പൽ ഡോ. ജി.എസ്. ശ്രീലേഖ, കെ. ഫസീല, വി.ടി. അമീർ, എൻ. മുഹമ്മദ്, എൻ. ഖദീജ, കെ.എം. അബ്ദുറഹ്മാൻ, പി.സി.എ. നൂർ, കെ. മുഹമ്മദാലി, കെ.ടി. ഉമ്മുകുൽസു തുടങ്ങിയവർ പ്രസംഗിച്ചു. ചൊവ്വാഴ്ച കുറ്റിപ്പുറം ഗവ. ഹൈസ്‌കൂളിലും ബുധനാഴ്ച കോട്ടയ്ക്കൽ രാജാസ് ഹൈസ്‌കൂളിലും പുസ്തകവിതരണം നടക്കും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
