തുവ്വൂർ കിണർ സ്മാരകമാക്കണം: ബി.ജെ.പി

മലപ്പുറം : തുവ്വൂർ കിണറും പരിസരവും ചരിത്രസ്‌മാരകമാക്കണമെന്നാവശ്യപ്പെട്ട് ബി.ജെ.പി. ജില്ലാകമ്മിറ്റി ജില്ലാപഞ്ചായത്ത് പ്രസിഡന്റിന് നിവേദനം നൽകി. മലബാർ കലാപത്തിലെ ഇരകളെ തിരസ്‌കരിക്കുകയും കലാപകാരികൾക്ക് സ്‌മാരകം നിർമിക്കുകയുമാണ് ജില്ലാപഞ്ചായത്തെന്ന ആക്ഷേപത്തിനു പരിഹാരം കാണണമെന്നും ആവശ്യപ്പെട്ടു. ജില്ലാ പ്രസിഡണ്ട് രവി തേലത്ത്, ജില്ലാ വൈസ് പ്രസിഡണ്ട് അഡ്വ: ടി.കെ.അശോക് കുമാർ, മേഖലാ പ്രസിഡണ്ട് വി ഉണ്ണികൃഷ്ണൻ മാസ്റ്റർ, വൈസ് പ്രസിഡണ്ട് കെ.കെ സുരേന്ദ്രൻ, ജന:സെക്രട്ടറി എം പ്രേമൻ മാസ്റ്റർ, ജില്ലാ ജന: സെക്രട്ടറി കെ.സി വേലായുധൻ, ട്രഷറർ കെ.പി ബാബുരാജ് മാസ്റ്റർ എന്നിവർ നിവേദക സംഘത്തിലുണ്ടായിരുന്നു.