ശബരിമല തീർത്ഥയാത്രികർക്ക് സൗകര്യമൊരുക്കണം-അയ്യപ്പസേവാസംഘം

കുറ്റിപ്പുറം : ശബരിമല തീർത്ഥയാത്രികർക്ക് തീർത്ഥാടന സൗകര്യങ്ങൾ ഒരുക്കുന്നതിൽ അധികൃതർ കൂടുതൽ ശ്രദ്ധ ചെലുത്തണമെന്ന് അയ്യപ്പസേവാസംഘം ജില്ലാ കമ്മിറ്റി യോഗം ആവശ്യപ്പെട്ടു. പരമ്പരാഗത പാതയിലൂടെയുള്ള തീർത്ഥാടനവും പമ്പയിലും ഭസ്മക്കുളത്തും കുളിക്കാനുള്ള സൗകര്യവും രാത്രിയിൽ വിരിവെക്കാനും തീർത്ഥാടകരെ അനുവദിക്കണം.

ജില്ലാ സെക്രട്ടറി വി.വി. മുരളീധരൻ ഉദ്ഘാടനം ചെയ്തു. പ്രകാശൻ തവനൂർ അധ്യക്ഷനായി. കണ്ണൻ പന്താവൂർ, ഡോ. കെ.വി. കൃഷ്ണൻ, കെ. ഗോപാലകൃഷ്ണൻ നായർ, ഉണ്ണി കൂരട, ടി.പി. കുമാരൻ, മനോജ്, കെ.പി. വേലായുധൻ, രാധാകൃഷ്ണൻ, ഷാജി തവനൂർ, മണികണ്ഠൻ കരിങ്കപ്പാറ, ശിവശങ്കരൻ പരപ്പനങ്ങാടി എന്നിവർ പ്രസംഗിച്ചു.