കുറ്റിപ്പുറത്ത് ആംബുലൻസും മിനിവാനും കൂട്ടിയിടിച്ചു

കുറ്റിപ്പുറം : നവജാത ശിശുവുമായി പോവുകയായിരുന്ന ആംബുലൻസ് മിനി വാനുമായി കൂട്ടിയിടിച്ച് അപകടത്തിൽപ്പെട്ടു. നാലുപേർക്ക് പരിക്കേറ്റു. കുറ്റിപ്പുറം ഹൈവേ ജങ്ഷനിൽ തിങ്കളാഴ്ച രാവിലെ 11.30-ന് ആണ് അപകടം. നിസ്സാരപരിക്കേറ്റ ആംബുലൻസിലെ സഹായി റാസിക്കിന് (25) കുറ്റിപ്പുറം താലൂക്ക് ആശുപത്രിയിലും മറ്റുള്ളവർക്ക് പൊന്നാനി മദർ ആൻഡ് ചൈൽഡ് ആശുപത്രിയിലും ചികിത്സ നൽകി.

ഇരിമ്പിളിയം ഗവ. ആശുപത്രിയിൽനിന്ന് നവജാതശിശുവുമായി പൊന്നാനി മാതൃ ശിശു ആശുപത്രിയിലേക്കുള്ള യാത്രക്കിടെയാണ് 108 ആംബുലൻസ് അപകടത്തിൽപ്പെട്ടത്. സ്ഥലത്തെത്തിയ കുറ്റിപ്പുറത്തെ ആംബുലൻസ് ഡ്രൈവർ റഷീദ് നവജാത ശിശുവിനെയും പരിക്കേറ്റവരെയും പൊന്നാനി മദർ ആൻഡ് ചൈൽഡ് ആശുപത്രിയിലെത്തിച്ചു.